فضــلاً فكــر بالإجـابة قبل ما تضـغـط على الجــواب

الإجابات	الغــــــــــــاز	الرقم
الجواب	إن قبر سليمان شمال القدس ضع حرف واحد فقط بالجملة السابقة فيصبح قبر سليمان جنوب القدس	1
الجواب	وش ثــلاث مـــن الـــرجــال = هم أخوان وبالسكن متجاورين كل واحد منجب عشرة عيال = والعيال مجــودين وجـيـدين دون عذر هم يخوضون القتال = واضحين وباللوازم مختفـين	2
الجواب	انشدك عن رجل يتردد بممشاه = افنى شبابه بين روحه وجيه وليا دعيته جاك يكشف خفياه = تدخل بسجنه دون جرم وقضيه سجنه يجبنك الشقا والمعاناه = وان مالقيته كود تلقا خويه	3
الجواب	وش عـباءة فـوق نشمي لبسـها = شكـلــها زاهـي وتـزهاه بحـلاوة وان خذت به وقت ماطول نفسها = في حشاه تغيب باسلوب وهداوة	4
الجواب	أنشدك عن بنت الشيوخ المسماه = اللي بلا روح تحمل ولدها وان مات ما عاشت ليالي مسماه = وان كان هي ماتت يلقى بدلها	5
الجواب	انشـــدك عن بنت تبين نوايـــــاك وليا طرالك نية بينتـــــــــــها يعرفك فيــــها من نطحك وتقفاك خصوص لامن اليدين امسكتها وكثر ما يمسكها من ايديك يسراك يما ارفعتها فوق ولا احدرتها	6
الجواب	ياللي تحل اللغز مليان لك انت = رجلٍ فهيم للمعاني تحلي انشدك وش بنت تعلت على بنت = ورجالهن فوقهن مستقلي	7
الجواب	انشدك عن عذرى طويلاً جعدها = ماهـيـب جنيه ولا مـن الناس تـضرب بـسيف ما تشيله بـيـدهـا = سـيف لمـنه ورد قطـع الياس	8
الجواب	شي صـنـعه صانـع وفي الـسـما لامـع وفي الارض ضايع	9
الجواب	أنـشدك عـن رجـل يـسمى على امه = ما هو نـبـي واظن ضـمـن الطبيعة مـا ريــتـه تـلـقـاه بـأ رض مـطـمـه = ولـيـا مـشى يـكـفـيـك بارق لـميـعه	10
الجواب	أنشدك عن عذرا ضروسها في قفاها = اهيب تخجل من كثير اعيوبها مصلحتها ضاهره من وراها = صاحبها معها ودارسٍ ما جوبها	11
الجواب	وين اللبيب اللي يحل الغباوي = أبنشده عن قصة أثنين تومان واحد على مضرة الناس ناوي = شريرماعمره نوى الخير لإنسان يجرح واخوه الله يعينه يداوى = تقاسمواحتى الأسامي والالوان	12
الجواب	انا بنشدك عن رجال عقب اربع سنين يزيد = يرجع عقب هالمده على مكان حسبانه اخـــوانه مثله وشكله وكلاً ثابت بالقيد = اخوانه عدهم ثابت وهو يفرق عن اخوانه	13
الجواب	أنشدك عن بنت لا تصلي ولا تصوم .. وماسكة طريق السنة	14
الجواب	وبئر بها ماء وبالماء حية=على رأسها تاجٌ من النور يلمعُ إذا هب ريحٌ نحوه طار طائراً=وإن جف ماء البئر فالتاج يبلعُ	15
الجواب	ياويـــــش بنـــت زوجوهـــا لرجــــال = وإللي جمعهـــم شــب نار الــزواجي رجـــالـــها للحـمل صـــابــر وشـــيال = والبـــنت للرجــــال مثل العـــلاجـــي	16
الجواب	أنشدك عن بنت تجيب اربع عيال = الكل منهم ما يوالم خويه اعمارهم تسعين بكل الاحوال = مره تزيد ومره تنقص شويه	17
الجواب	ما هو الشيء الذي يقول الصدق دوما ولكنه إذا جاع كذب؟	18
الجواب	سود اللون يخرج دائما من النور؟ إذا صادف إنسانا فإنه يدمع؟	19
الجواب	كم مرة ينطبق عقربا الساعة على بعضهما في اليوم الواحد؟	20
الجواب	جملة مفيدة مشهورة تحتوي على 25 حرفا غير منقوط .. فما هي؟	21
الجواب	قطر من الأقطار خال ٍ من الإعمار والأشجار و الأطيار..فما هو؟	22
الجواب	شيء موجود في السماء إذا أضفت إليه حرفا أصبح في الأرض؟	23
الجواب	حاكم حكم شرقها والغرب = وكل الملا راضيه بحكمه أصم عمى ما يشوف الدرب = يا عارفه جيبلي اسمه	24
الجواب	ويــش بنــت ِ شـانها شان ٍ كبير = ماتصير الا مع اكبـار البخوت في حشاها ورع مجهول المصير = مايسولــف كــود ان تــموت	25
الجواب	انشدك عن رجل يعسف النساوين= دربه على العفنات أمر محتومي ربعه هل الجود قومٍ كريمين =وعند العرب لابد يبدي له لزومي	26
الجواب	وشم اثنين يالفوا حسبة ضيوف = وليا لفوا كلن يجينا لحاله الضيف يفرح به وهم للعرب خوف = والكل منهم مكلفٍ بالرساله حديهم اللي اغتال بنت وانا اشوف = والثاني شوه رجل وافسد جماله	27
الجواب	انشدك عن رجل خطير مكانه = من شدته يثني العمل تقول محبوس سبت وجوده من امريكا لعانه = لحماية البترول والماء عن الروس	28
الجواب	ياويش غايب حاكمينه بالأعدام = ذكاه حطم دولة مستقلة لازال تلقاه العرب بعض الأيام = مات الحكم والمتهم في محله لامسلم عاقل ولا عابد أصنام = ياهون حل اللغز ياصعب حله	29
الجواب	أنشدك عن جارين بالحي مادام= الكل منهم عايش ٍ له برأسين من لا تعداهم رجاجيل وحشام = والي تعداهم رجاجــيل غـاديـن	30

للعودة للمنتديات

الصفحة السابقة